Almennt
Fjölskylda sparar 45 milljónir með búsetu í Ölfus
Ungt fólk leitar út fyrir borgina.
hátt lóða- og fasteignaverð hvetur mjög ungt fólk til að leita hófanna utan borgarmarkanna
28 nóvember 2018
Í gærmorgun var haldinn fundur í skipulagsnefnd hér í Ölfus. Það bar til tíðinda að á fundinum var úthlutað lóðum fyrir tvær íbúðablokkir og stefnir því í að á nýju ári fari 3 til 4 slíkar í byggingu. Þar verður þá um að ræða 50 til 60 íbúðir sem sérstaklega eru hugsaðar sem fyrsta eða seinasta íbúð. Að auki er mikill áhugi á rað- og parhúsalóðum sem og lóðum undir einbýlishús.
Það er þörf á stórátaki í samgöngumálum þjóðarinnar
Fyrirliggjandi samgönguáætlun fyrir árin 2019 til 2033 er óásættanleg
::Bættar samgöngur eru hluti af lausn á lóðarskorti
8 nóvember 2018
Í morgun fór fram fundur í bæjarráði í Ölfusinu. Meðal þess sem þar var rætt var samgönguáætlun fyrir árin 2019 til 2033. Að mati allra sem sátu fundinn er áætlunin langt frá því að vera ásættanleg. Hér í Ölfusinu, eins og um allt land, er bent á brýna þörf sem ekki er fyrirhugað að mæta til ársins 2033. Þrátt fyrir góðan vilja þá er fyrirliggjandi samgönguáætlun óásættanleg. Það er hreinlega þörf á þjóðarátaki þegar kemur að úrbótum og eðlilegt að gerð sé krafa á ríkisstjórn að stíga fastar fram.
Barátta stígamóta er barátta fyrir velferð bæði drengja og stúlkna
Drengirnir okkar nauðga
Hvort vildum við heldur vera foreldri geranda eða þolanda kynferðisofbeldis?
2 nóvember 2018
Við sem erum feður bæði drengja og stúlkna stöndum nú frammi fyrir áleitini spurningu Stígamóta "Hvort myndum við velja að vera foreldri geranda kynferðisofbeldis eða foreldri þolanda kynferðisofbeldis?" Samhliða verðum við að svara spurningunni: "Hvort getum við frekar komið í veg fyrir að synir okkar verði gerendur eða dætur okkar fórnarlömb"?
8 mars 2018
Árangur íþróttafólks frá Vestmannaeyjum er einstakur. Núna um helgina leika karla- og kvennalið okkar til úrslita í bikarkeppni í handbolta. Vinni liðin leiki sína verður íþróttafólk frá Vestmannaeyjum handhafi allra bikarmeistaratitila í meistaraflokki karla og kvenna í bæði handbolta og fótbolta.
1 mars 2018
Í gær mældi Lóðsinn dýpið í Landeyjahöfn. Að mörgu leiti er niðurstaðan vonum framar. Eðlilega er eftirvænting meðal bæjarbúa enda eigum við allt undir því að blessuð höfnin sé nægilega djúp og sjólag sé þannig að Herjólfur geti siglt þangað. Með það í huga reynum við að miðla þeim upplýsingum sem við höfum.
Vorið boðar komu sína
Dýpkun að hefjast í Landeyjahöfn
Enn of snemmt að spá fyrir um hvenær höfnin opnar
27 febrúar 2018
Eftir brælutíð er nú loks útlit fyrir að veður stillist. Gangi veður- og ölduspá eftir fer mars af stað með góðviðri og hægum sjó. Það er því að koma sá árstími að við Eyjamenn lítum til Landeyjahafnar með von um siglingar þangað.
Í gær hafði ég samband við Vegagerðina og óskaði eftir upplýsingum um það hvernig þessi blíðukafli verði nýttur.
Fjallað um mælingar Gallup á væntingavísitölu
Aðstæður góðar og bjart framundan
Mikill kraftur í Eyjum og tækifæri í vændum
23 febrúar 2018
Íbúar í Vestmannaeyjum horfa björtum augum á framtíðina. Ekki einungis telja þeir aðstæður almennt betri en íbúar annarra sveitarfélaga heldur telja þeir að þær eigi ýmist eftir að batna eða haldast jafn góðar. Þessar niðurstöður koma fram í nýlegri mælingu Gallup á svokallaðri "væntingavísitölu" sem mæld er reglulega og fjallað var um á fundi bæjarstjórnar í gær.
Unnið eftir þriggjafasa þjónustumódeli
Ætlum að halda áfram að byggja upp þjónustu fyrir aldraða
Hraunbúðir stækkaðar, þjónustuíbúðir byggðar, dagþjónusta bætt, félagsaðstaða byggð upp og fl.
1 febrúar 2018
Að búa vel að öldruðum er brýnt. Þarfir þeirra eru magvíslegar og stöðugt þarf að vera vakandi fyrir að gera gott betra. Þekkt er að eldriborgum í Vestmanneyjum –eins og reyndar á landinu öllu- er að fjölga hratt og mikilvægt að þjónustan sem að þeim snýr vaxi samhliða.
Gosið reyndist Eyjamönnum erfitt
45 ár frá upphafi gossins á Heimaey
Magnað að sú kynslóð sem á undan gekk hafi hér reyst bæ sinn úr ösku.
23 janúar 2018
Í dag eru 45 ár frá upphafi gossins á Heimaey. Eyjamenn og landsmenn flestir minnast þess nú þegar jörðin rifnaði í jaðri byggðarinnar í Vestmannaeyjum og gló-andi hraun vall úr. Í ávarpi sínu við upphaf gossins sagði þáverandi biskup að varla hefði í annan tíma jafn mikill voði vofað yfir jafn mörgum Íslendingum á sama andartaki og þá nótt. Gosið á Heimaey væri einn hrikalegasti atburður sem orðið hefði í sögu landsins. Það voru vafalaust orð að sönnu og mikil var sú mildi að ekki varð tjón á lífi íbúa, björgunarmanna og framtíð byggðar.
98% þeirra sem tóku afstöðu sögðust ánægð með íþróttaaðstöðu í Vestmannaeyjum.
Þjónustukönnun Gallup.
Almenn ánægja með þjónustu við barnafjölskyldur, fatlaða og aldraða.
12 janúar 2018
Á miðvikudaginn fjallaði fjölskyldu- og tómstundaráð um þann hluta þjónustukönnunar Gallup sem að ráðinu snýr. Almenn og vaxandi ánægja mældist með alla þessa þjónustuþætti.
Könnun þessi er gerð til að kanna ánægju með þjónustu stærstu sveitarfélaga landsins og gera samanburð þar á, ásamt því að skoða breytingar frá fyrri mælingum og fór hún fram frá 3. nóvember til 17. desember.
10 janúar 2018
Í gær fjallaði Framkvæmda- og hafnaráð um þann hluta árlegarar þjónustukönnunar Gallup sem snýr að ráðinu. Könnun þessi er gerð til að kanna ánægju með þjónustu stærstu sveitarfélaga landsins og gera samanburð þar á ásamt því að skoða breytingar frá fyrri mælingum og fór hún fram frá 3. nóvember til 17. desember.
Þjónustukönnun Gallup
91% þeirra sem tóku afstöðu ánægð með Vestmannaeyjar sem stað til að búa á
Samgöngu og heilbrigðismál það sem oftast er nefnt að þurfi að bæta
9 janúar 2018
Fyrr í dag kom bæjarráð saman og fjallaði meðal annars um þann hluta árlegarar þjónustukönnunar Gallup sem snýr að ráðinu. Könnun þessi er gerð til að kanna ánægju með þjónustu stærstu sveitarfélaga landsins og gera samanburð þar á ásamt því að skoða breytingar frá fyrri mælingum og fór hún fram frá 3. nóvember til 17. desember. Í stuttri umfjöllun er ætíð erfitt að draga út allar helstu tölur og því er valið að segja hér í texta frá helstu niðurstöðum eins og ráðið fjallaði um þær en birta allar þær tölur sem fram eru settar.
Mikil uppbygging á þjónustu við eldri borgara á stuttum tíma
30 ára afmæli félags eldri borgara í Vestmannaeyjum
Verið að stækka Hraunbúðir, byggja nýjar þjónustuíbúðir, bæta dagdvöl og ýmislegt fl.
8 janúar 2018
Núna um helgina átti félag eldri borgara í Vestmannaeyjum 30 ára afmæli. Félagið gegnir einu af lykilhlutverkum í þjónustu og hagsmunagæslu eldri borgara hér í Vestmannaeyjum. Það var mér heiður að vera boðið til afmælisins en samband Vestmannaeyjabæjar og félagsins hefur ætíð einkennst fyrst og fremst af trausti, gagnkvæmri virðingu og skilningi á einlægum vilja til samstarfs.
92% þeirra sem taka afstöðu eru ánægðir með þjónustu Grunnskóla Vestmannaeyja og 88% með leikskóla.
Þjónustukönnun Gallup 2017 - Fræðslumál
Enn er hægt að gera betur og þegar hafnar framkvæmdir til að þess
4 janúar 2018
Fyrr í dag var haldinn fundur í fræðsluráði Vestmannaeyjabæjar en það ráð fer meðal annars með málefni allra skóla, daggæslu og fl. Til umfjöllunar var niðurstaða þjónustukönnunar Gallup sem gerð er árlega til að kanna ánægju með þjónustu stærstu sveitarfélaga landsins og gera samanburð þar á, ásamt því að skoða breytingar frá fyrri mælingum. Sú könnun sem nú var til umfjöllunar fór fram frá 3. nóvember til 17. desember. Ánægjulegt er að segja frá því að allir þættir sem undir ráðið falla eru yfir landsmeðaltali og ánægja eykst á milli ára.
(Hægt er að nálgast myndband með sömu svipuðum upplýsingum með því að smella hér: Ánægja með fræðslumál í Vestmannaeyjum)
18 desember 2017
Fjárhagsáætlun fyrir árið 2018 hefur nú verið samþykkt í bæjarstjórn. Hún ber það með sér að rekstur Vestmannaeyjabæjar er traustur og þrátt fyrir mikla þjónustuaukningu seinustu ár er gert ráð fyrir rekstrarafgangi.
Miklu skiptir að seinustu ár hafa vaxtaberandi skuldir verið nánast alveg greiddar upp auk þess sem leiða er ætíð leitað til að hagræða í rekstri og nýta rekstrarbata til að bæta þjónustu við bæjarbúa.
Þakklátur fyrir hvatninguna
Gef kost á mér til að leiða lista Sjálfstæðismanna í vor
Stoltur af þeim verkum sem unnin hafa verið á seinustu árum og vil taka þátt í að gera enn betur
15 desember 2017
Ágætu Eyjamenn
Undanfarið hef ég eytt talsverðum tíma í að líta yfir farinn veg og hugsa um framtíðina, vitandi hversu dýrmætur lærdómur það hefur verið mér að hafa gegnt þeirri stöðu sem ég hef gert nú í hartnær 12 ár.
Ég er stoltur af því verki sem unnið hefur verið á þessum árum. Ég er stoltur af því að við búum í samfélagi sem er rekið á ábyrgan hátt. Samfélagi sem hugsar vel um íbúa sína, unga sem aldna. Samfélagi þar sem sóknarfæri eru óþrjótandi og leiða er leitað til að nýta þau. Samfélagi sem gleðst saman þegar sigrar eru og sýnir samkennd þegar harmleikir eiga sér stað. Umfram allt í samfélagi með stórkostlegum íbúum sem ætíð eru tilbúnir til að leggja lykkju á leið sína fyrir samfélagið. Það traust sem mér hefur verið sýnt bæði í kosningum og í störfum mínum og sú vinátta sem ég hef fengið svo ríkulega verður mér um alla tíð afar hjartfólgin.
Framkvæmdir við húsnæði Barnaskóla og Hamarskóla
Skólahúsnæði í raun aldrei fullbyggt
Búa þarf vel að starfsmönnum og nemendum
12 desember 2017
Skólahúsnæði er í raun aldrei fullbyggt. Eftir því sem kröfur til náms breytast og eðli skólastarfs þróast þarf að aðlaga húsnæðið. Húsnæði GRV er allt komið til ára sinna þótt sannarlega hafi mikið verið snikkað og að sniðið við upphaflega húsnæðið. Nú stendur yfir undirbúningur að nokkrum framkvæmdum þar til viðbótar. Að hluta til er þar um að ræða framvæmdir til að mæta niðurstöðu rýnivinnu sem farið var í með kennurum og öðru starfsfólki.
11 desember 2017
Á skömmum tíma hefur skólastarf þróast hratt. Hraðinn í samfélaginu hefur vaxið og kröfur til skólastarfs samhliða. Litróf nemenda hefur einnig orðið enn fjölbreyttara til að mynda með aukinni áherslu á þjónustu við nemendur sem eru af erlendu bergi brotnir, auknum kröfum hvað lestur varðar og áherslu á greiningu og markvissa vinnu með þá sem þurfa sér stuðning við nám sitt.
Við gerð kjarasamninganna árið 2014 voru gerðar breytingar á starfsumhverfi kennara og vinnumat innleitt í grunnskólum. Þessar breytingar þóttu ekki skila árangri og því var ákveðið að fela hverju sveitarfélagi að fara betur yfir málin og greina hvernig mætti gera betur
Krafan er skýr; það á að veita fæðinaþjónustu í Vestmannaeyjum og víðar í landsbyggðunum
Fæðingaþjónusta er óviðunandi í landsbyggðunum
Myndband
8 desember 2017
Fyrir mér eru Vestmannaeyjar paradís á jörðu. Náttúran, fólkið, menningin, sagan, krafturinn samstaðan og svo margt fleira jarðtengir mig og lætur mig fljúga í senn. Samt er það svo að tveir hornsteinanna eru ekki í lagi, samgöngur og heilbrigðisþjónusta. Ég er afar bjartsýnn á að á næsta ári tökum við stórt skref hvað samgöngur varðar sem síðan mun leiða af sér enn fleiri slík í átt að betra ástandi. Út af borðinu standa þá heilbrigðismálin og þá sérstaklega fæðingaþjónustan.
Dagforeldraúrræðið er einn af hornsteinum þjónustu við yngstu íbúana og foreldra þeirra.
Framlög Vestmannaeyjabæjar með þjónustu dagforeldra aukin um helming
Ætlað að styrkja dagforeldraúrræðið og létta álögum af nýbökuðum foreldrum.
23 nóvember 2017
Dagforeldra úrræði er einn af hornsteinum þjónustu við foreldra og börn þeirra. Hér í Vestmannaeyjum höfum við verið afar heppin með það fólk sem valist hefur í þessa þjónustu. Það þekki ég bæði sem foreldri og síðar sem bæjarstjóri. Hlutverk sveitarfélagsins hvað þessa þjónustu varðar er að veita leyfi til starfseminnar en dagforeldrar eru að öðruleiti sjálfstætt starfandi. Þeir ákveða sjálfir sína gjaldskrá og stjórna starfseminni. Hér í Eyjum eins og víðast eru daggæslugjöldin niðurgreidd af sveitarfélaginu
