Frábær sýning

Í gær fór ég ásamt Páli Marvin og Gunnlaugi Grettissyni og heimsótti frábæra lósmyndasýningu Óskars Péturs Friðrikssonar vinar okkar sem opnuð var í Einarsstofu.

Óskar Pétur hefur haft vakandi auga með því myndræna í kringum sig um árabil. Hann á því ógrynni mynda og það er svo sannarlega...

...spennandi að sjá brot af því besta.

Á sýningunni gefur jafnframt að líta myndir eftir Valgerði, dóttur Óskars Péturs.  Sýningin er einnig sölusýning.

Hér fyrir neðan má sjá stutt myndband sem ég tók á símann:

http://www.youtube.com/watch?v=Da2_azSDfE8&feature=youtu.be

Eyjamenn þekkja Óskar Pétur vel enda hefur hann verið víða á seinustu árum og vart fer fram sá viðburður í Vestmannaeyjum sem hann mættir ekki á með myndavélina.  Landsmenn allir þekkja verk hans án þess etv. að gera sér grein fyrir.  Til að mynda átti hann forsíðumynd Fréttablaðsins í gær.  Þar sem sýndur var hópur súlna, háhyrninga og hnúfubaka sem lágu í síldarveislu í Klaufinni norður af stórhöfða.

Ástæða er til að hvetja Eyjamenn og gesti þeirra til að heimsækja sýninguna sem opin verður alla þrettándahelgina.

Ljósmyndasíða Óskars Péturs er komin í loftið á slóðinni www.oskarp.is og er það Smartmedia sem hannaði, forritaði og hýsir hana. Skemmtileg síða sem er vel þess virði að fletta í gegnum.